1. 主頁
  2. >
  3. 新界
  4. >
  5. 元朗必食掃街小吃|倆...

元朗必食掃街小吃|倆口小吃台式傳統刈包+流心壓餅!每日幾個鐘就售罄!

最近放寬返大家都急不及待出去玩啦~~咁耐無街都唔知近期有乜嘢好玩好食嘅嘢!一於等小編推介,呢間IG大熱嘅小食店舖位細細但竟然排晒長龍~~仲要每日一開舖幾個鐘就差唔多賣晒所有食材,真係好誇張啊!位於元朗嘅「倆口小吃」專賣台式小食,榮登米芝蓮必比登推介(2022),必試刈包同壓餅,每次好快就賣晒添啊!

「傳統刈包」係佢哋最好賣嘅一款刈包,材料有自家制刈包、滷肉、酸菜、花生碎、莞茜同柚子醬。刈包煙韌有淡淡甜味,滷肉用台灣傳統做法煮成,酸菜切碎再調味加蒜炒成,而花生碎混合糖帶出甜脆。再加埋柚子醬中和滷肉嘅油膩感覺,香而不膩太吸引啦~~

另一樣人氣之選係流心壓餅,有芝士、抺茶、芋泥同新出嘅朱古力焙茶奶酥!抺茶控一定要試「小山園若竹抺茶忌廉芝士壓餅」!外層係抺茶壓餅皮,入面係抺茶忌廉芝士,煎熱之後係流心嘅~~抺茶粉選用小山園若竹,會有濃厚抺茶味同回甘,估唔到茶味竟然做到咁香濃!小店選材非常嚴謹,小山園若竹抺茶整出嚟嘅壓餅咬落去頭段會有甜甜嘅cream cheese味,中段係濃香嘅抹茶,到最後會有少少抹茶獨有嘅回甘,味道好有層次~~

不過小編真係要提提大家,呢間小店嘅食物全部即叫即做,所以製作需時,再加上人氣實有太勁,幾乎任何時間去都要排隊!最好開舖頭幾個鐘就去買啦,食物賣完即止,手快有手慢無~~無辦法啦!好東西都需要耐性去等嘅!

倆口小吃
地址:元朗鳳攸北街5-7號順豐大廈地下18號舖
營業時間:星期二至日 1230-1900 (售完即止)、逢星期一休息