1. 主頁
  2. >
  3. 主題特集
  4. >
  5. 拍拖後應否加異性IG?|...

拍拖後應否加異性IG?|仲要經常Like Post|網民圍攻:唔好咁痴線

拍拖係兩個人之間既事,有時唔想另一半同異性太多接觸,實屬人之常情。但呢一條界線,又應該點樣釐定呢?

近日有位網民於討論區出帖文,標題係「點睇拍拖仲加異性ig?」。開帖既「樓主」指自己伴侶加左其他異性既Instagram,而且仲Like左佢地既Post。樓主疑惑呢種行為到底有咩意思,憂慮對方會出軌。

網民既回覆立場一致,指樓主實在係想得太多。社會上唔係男人就係女人,加女人既Instagram絕對無問題。有人話Instagram本身原意就係比人睇下靚野,如果唔係私訊異性,其實無野需要擔心。

樓主反駁呢種做法好容易比左機會另一半出軌,因為加異性IG呢種行為,係有想認識/被認識既意慾。如果佢地留言,更容易令人聯想到兩人有聯絡。如果想減少一段關係上既猜疑,就唔應該咁做。

有人再反駁,強調一段感情係講求信任,如果另一半存心出軌,其實防不勝防。

小編認為呢條界線,並唔需要跟足他人既講法,最緊要係拍拖既兩者之間有共識,唔會感到唔舒服就可以。